Хју Хефнер (86) и неговата најмила „зајчица“ Кристал Харис (26) повторно се верија, а во брак планираат да стапат на новогодишната ноќ.

Ова е втора веридба за Хју и Кристал, првата за малку ќе завршеше со брак, но Кристал во јуни минатата година само неколку дена пред венчавката се откажа од бракот, а потоа го оцрнуваше сопственикот на Playboy и велеше дека сексот со него трае две секунди.

По речиси година дена расправање по медиумите, парот се смири, а Хју на Кристал и дозволи повторно да се всели во неговата вила. Двајцата изјавија дека сега „љубовта цвета подобро од било кога“, па затоа неодамна и повторно се верија.

На свадбената веселба, според пишувањето на американските медиуми, ќе бидат само најблиските пријатели и роднини, ако невестата повторно не „избега“.