Таткото на проблематичната актерка вели дека се плаши за животот на ќерка си затоа што таа истовремено конзумира кокаин и лекови, а двено пие и по два литри вотка која беше крајот за Ејми Вајнхаус.

Линдзи Лохан пред неколку дена заврши зад решетки поради тепачка во еден њујоршки клуб, а нејзиниот татко Мајкл Лохан се плаши дека тоа е само почетокот, затоа што неговата ќерка не само што зема лекови за смирување и пие алкохол, туку покрај сето тоа се дрогира.

„Верувам ли дека Линдзи пие по два литри вотка дневно? Она во што јас верувам е дека таа пие затоа што на тој начин сака да ја удави тагата. Се плашам за нејзиниот живот и се што сакам е да се излечи од зависноста инаку ќе заврши трагично. Ќе дадам се од себе за да и помогнам“, вели Мајкл за Hollywood Life.

Мајкл тврди дека Линдзи никогаш не била агресивна и дека за неговата ќерка затворот не би бил решение.

„Единствено што би било добро за неа е судот да ја прати на рехабилитација. Таа секојдневно зема лекови, дрога и алкохол. Се плашам да не заврши трагично.“

Меѓутоа, за улогата во филмот Liz & Dick критиката ја пофали, но сето тоа е во сенка на скандалите кои оваа актерка ги прави од ден за ден. Линдзи моментално е на условна казна поради кражба на накит, и ако биде прогласена за виновна за тепачката, сигурно ќе заврши зад решетки.