Фудбалерот наскоро ќе отвори сопствен ресотран, пишува британскиот печат.

Бекам веќе ги „вмеша прстите“ во модата, а сега ќе си ја проба среќата и во угостителството. Фудбалерот кој штотуку му стави крај на ангажманот во LA Галаксија се враќа дома во Британија, каде ќе отвори ресторан.

Дејвид Бекам, се разбира, нема сам да готви, ниту тоа ќе го прави неговата сопруга Викторија - за тој дел од работата ќе биде задолжен нивниот пријател и познат готвач Гордон Ремзи.

Бекамови со години се дружат со Ремзи и неговото семејство, а фудбалерот призна дека готвењето отсекогаш го интересирало.

„Се надевам дека работата со ресторан ќе биде интересна и забавна. Никогаш не сум имал ресторан, и знам дека Гордон е најдобар пријател за таков потфат“, рече Бекам.

Ремзи има десетина ресторани ширум светот, но се уште нема откриено каква кујна ќе понуди заедно со Бекам.