Пејачката се навредила затоа што фронтменот на групата Aerosmith и кажал дека таа „и Боб Дилан би го пратила по ѓаволите“, затоа што од Американскиот идол исфрлила една одлична пејачка.

Ники го обвини Тајлер за расизам, откако го искоментирал нејзиниот избор на Американскиот идол.

Пејачката го замени Тајлер во оваа шоу, а покрај неа во улога на жири се наоѓаа Мараја Кери и Кит Урбан. Во почетокот на оваа недела пејачот се огласи со коментари на сметка на новите судии.

„Мислам дека доколку Боб Дилан се пријави на аудиција, Минаж би го пратила по ѓаволите“, рече Тајлер.

Пејачката реши да му врати така што на својот Twitter профил напиша: „Овој коментар е расистички! Ти си само огорчен затоа што ти ја презедов работата! Разбери дека не сум јас крива за тоа“.