Приведувана е безброј пати поради алкохол и дрога, а сега се степала во клуб.

Во „ситните часови“ меѓу среда и четврток, проблематичната актерка Линдзи Лохан (26) се скарала со неименувана жена во клубот Avenue во Њујорк.

Актерката прво се обидувала да ја натера жената да се откачи од неа, потоа се „покошкале“, а потоа Линдзи „удрила жестоко“.

„Лохан е уапсена околу четири часот наутро, пуштена е со кауција и ќе се појави пред судија следната недела“, рече детективнот Марк Нел од њујоршката полиција.

Другата жена не е сериозно повредена, и не е уапсена.

Лохан е на условна казна поради крадење накит, и ако биде прогласена за крива, не и бега затворот.