Бред Пит вели дека неговите планови за брак со Анџелина Џоли се сериозни.

Актерот откри дека тие двајцата „наскоро“ ќе застанат пред олтарот, на премиерата во Њујорк на неговиот нов филм Killing Them Softly.

Тој рече: „Добивам се поголем притисок од страна на моите деца, а тоа е нешто што сакам да го сторам, но исто така мислам дека конечно дојде и времето“.

Бред, кој беше во Лондон за снимање на новиот филм World War Z, додаде: „Времето е блиску. Многу наскоро. Имам добро чувство во врска со ова“.

Парот е заедно веќе седум години, откако се впуштија во романса за време на снимањето на филмот Mr & Mrs Smith во 2005 година. Заедно имаат шест деца - три биолошки и три посвоени.