Познатиот британски актер потврди дека неговиот единствен официјален и потврден јавен профил ќе биде оној на Google+ социјалната мрежа.

Иако речиси сите познати личности и ѕвезди имаат профили на Facebook и Twitter, Даниел Редклиф не беше еден од нив, меѓутоа го промени тој факт придружувајќи се на социјалната мрежа Google+.

Актерот познат од филмскиот серијал „Хари Потер“ изјави: „Сега кога ја имам таа страница, таму ќе пишувам точни и вистински информации за кои се надевам дека ќе ги разубедат луѓето да не си го трошат времето следејќи луѓе што се преправаат дека сум јас.“

„Ќе бидам активен, но со известувања за работи на кои работам или на кои сум работел, вклучувајќи и работи кон кои имам посебна страст, како The Trevor Project“, рече Даниел за MTV. „Но, тоа нема да биде следење на мојот секојдневен и приватен живот.“