Бритни Спирс се нашла во многу чудна ситуација како од шпанските серии, затоа што нејзиниот прв сопруг Џејсон почнал да се забавува со Шар, поранешната вереничка и мајка на децата на нејзиниот втор сопруг Кевин Федерлајн. Разбравте ли нешто? И ние не разбравме.

Секој момент очекуваме од приказната да излезе некоја „машка тетка“ или макар на почетокот на приказната да пишува предупредувањ Televisia Presenta како во другите шпански серии.

Шегата на страна, не е необично по згаснувањето на една врска да се најде нова љуов, но малку е бизарно и збунувачки да се вљубите во бившиот љубовник на својот бивш љубовник... зар не? Да се обидеме да разјасниме, макар на никој не му е баш сосема јасно.

Актерката Шар Џексон, мајка на двете деца на Кевин Федерлајн почнала да се забавува со Џејсон, првиот сопруг на Бритни Спирс.

Не знаеме дали се сеќавате, но 2004 година беше прилично бурна за овие четворица - Џејсон Александер стапи во брак со Бритни во Лас Вегас, а заедно издржаа цели 55 часа, а истата година Кевин ја напушти тогашната вереничка и мајка на своите деца, Шар, за да биде со популарната пејачка. Знаеме дека ни тоа не траше многу долго, но за тоа нема да зборуваме. Да се вратиме на овој чуден четириаголник.

Првиот заплет настанува малку подоцна кога напуштените и отфрлени Шар и Џејсон меѓусебно се тешеле. Според сознанијата на прекуокенските медиуми, по долгогодишното пријателство тие двајца неодамна се одлучиле својата врска да ја подигнат на повисоко ниво и така направија вистинска збрка.

Веќе не може да се следи кој со кој е во брак, кој е верен, кој има деца, кој нервен слом...

Бритни моментално е во врска со нејзиниот менаџер Џејсон Тревик, а медиумите шпекулираат дека пејачката наскоро ќе застане пред олтарот по трет пат.

Пејачката најавува пишување на роман, во кој ќе изнесе по некој детал од приватниот живот, па не би било лошо да направи и едно „љубовно стебло“ на кое ќе има упростен приказ кој со кој завршил и во каков однос.