Кејт Миделтон е позната по својот непогрешлив стил, а за тоа е свесна и Ким Кардашијан. Како многу дизајнери, и Ким сакала да ја облече познатата војвотка, но тоа не и успеало.

А обидот се случил за време на неодамнешниот престој на славното американско реалити семејство во Лондон каде што ја лансираа својата нова колекција облека. Ким на сопругата на принцот Вилијам и пратила неколку парчиња облека од новата колекција, но ги добила назад.

Според весникот Examiner, Кејт Миделтон не сакала да ги прими овие парчиња облека од славното семејство затоа што не одговарале на нејзиниот стил.

„Тешко е да ја замислите Кејт како на дружење со кралицата доаѓа во мини сукња со имитација на леопардова кожа и златно палто“, изјави помалку иронично изворот близок на кралското семејство.

Истиот извор тврди дека Ким ја поканила Кејт на чај, но оваа ја одбила.

Списанието Daily Star пишува дека Ким сака да се спријатели со војвотката Кејт за нејзината облека да биде популарна во Велика Британија исто колку и во САД.

Ким неодамна го коментираше стилот на облекување на Кејт Миделтон и притоа изјави дека Кејт многу и се допаѓа како личност и како познавач на модата.

Портпаролот на Кејт Миделтон изјави дека ова одбивање на облека не е никаква новост затоа што политиката на кралското семејство е таква да се враќаат сите подароци пратени од личности кои не се им блиски.