Старлетата се извинува поради твитовите за конфликтот на Израел и Хамас, но на некои извинувањето не им е доволно.

Ким Кардашијан (32) на својот Twitter се огласи по повод конфликтот во појасот Газа. Во петок Хамас е обвинет за експлозија на насилство откако ракети се испукани над Израел поради убиство на командантот на војното крило Хамас.

„Се молам за сите во Израел“, напиша Кардашијан, која фановите ја затрупале со критики.

Се обидела да се извади, подоцна напишувајќи: „Се молам за сите во Палестина. И за сите луѓе во светот!“

Twitter профилот на старлетата се вжештил од коментари, па ги избришала спорните твитови и на својот сајт се извинила доколку навредила некој.

„Морам да разјаснам што сакав да кажам. Многумина беа навредени од моето пишување за конфликтот, а јас само сакав да кажам дека се молам за невините луѓе кои се најдоа во средиште на борбата, не само таму туку и во други земји ширум светот“, напиша Ким.

Американскиот печат вели дека поединци пишувале дека се „надеваат дека Ким ќе умре“, дека ги засрамила своите предци од Ерменија и дека ќе „гори во пеколот“.