Никол Кидман и Том Круз беа најсовршениот пар на светот цела деценија, но 11 години по разводот австралиската актерка вели дека и самата била шокирана од одлуката на актерот да се разведат.

Никол Кидман, која сега е омажена за кантри ѕвездата Кит Урбан, вели дека била „вљубена до уши“ во Том Круз и дека била целосно заслепена од љубов и идиличен живот.

„Мислев дека нашиот заеднички живот е совршен. Постоевме само ние двајца и бевме зависни еден од друг“, вели Никол и признава дека одлуката на Том да се разведат ја погодила како „гром од ведро небо“.

„Тоа беше шок за мене, ми требаше многу време да се опоравам. Бев тотално ‘навлечена’ на Том. Поради него би заминала на крајот на светот, бев едноставно лудо вљубена и наивна.“

Сепак, 11 години подоцна Никол вели дека е посреќна од било кога затоа што има се - деца, маж кој ја сака и семејство кое и помага во се.

„Можам да се пофалам со одличен семеен живот. Кит, кога и да е дома, нешто свири, компонира, пее... Децата си играат наоколу и сите сме среќни. Кога и двајцата сме некаде надвор од куќата овде е мојата мајка да ги причува децата“, вели Никол.

Том можеби неа своевремено ја шокирал, но никој не беше поизненаден од него кога неодамно неговата сега поранешна сопруга Кејти Холмс побара развод по шест години брак. Поради невистините пишувани за разводот и односот со ќерката Сури, Том ги тужеше таблоидите за 50 милиони долари.