Актерот побеснил во еден паб кога еден обожавател му ја симнал капата.

Шаја Ла Баф (26) моментално е во Лондон, каде што го снима новиот филм Nymphomaniac, а во паузата од снимање го посетил локалниот паб Hobgoblin.

Ла Баф дошол со партнерката од филмот, актерката Миа Гот, и неколку часа пиел пиво и позирал со фановите кои сакале да се фотографираат со него.

Актерот, кој е апсен поради возење под влијание на алкохол, побеснел кога еден фан на шега му ја зел капата. Дошло до буткање и мала тепачка, па персоналот на барот морал да ги раздвојува.

Ла Баф отишол во хотелот со такси, а персоналот не повикал полиција.

Актерот очигледно е наклонет кон буцкање во пабови, затоа што ова е трет пат медиумите да забележат како актерот се степува кога ќе се поднапие.