Поранешната драга на Џони Деп вели дека никогаш нема да открие зошто таа и славниот актер, по 14 години врска, раскинаа.

„Приказните од приватниот живот не се за продажба и јавноста никогаш нема да ја дознае вистината. Луѓето зборуваат сешто, но никој не ја знае суштината и најдобро е така да остане. Покрај тоа, тоа не е ничија работа освен наша“, вели Ванеса Паради (39).

Таа додава дека вистината не сака да ја каже пред се поради децата, тринаесетгодишната Лили Роуз и деветгодишниот Џек.

„Децата се моја најголема љубов, а таа љубов никогаш не слабнее, туку со секој изминат ден е се посилна.“

Џони и Ванеса во јуни соопштија дека дојде крај на нивната врска, а медиумите како причина го наведоа неверството на актерот. Што е вистина, веројатно нема ни да дознаеме затоа што и Џони не сака да зборува за приватниот живот.