Пејачката им одговори на таблоидите - тврди дека сепак не е во врска со пејачот кој своевремено ја претепа.

Ријана и Крис Браун беа заедно околу година дена кога пејачот одлучи да ја претепа својата девојка откако грубо му одговорила во автомобилот. Браун е осуден со условна казна, а целиот свет ги виде фотките од повредите на Ријана.

Парот предизвика голема медиумска прашина со помирувањето, макар и пријателско, и дуетот Nobody's Business кој ќе се појави на новиот албум на Ријана Unapologetic на 18 ноември.

Водителот на телевизијата Bravo, Енди Коен, ја праша Ријана во интервју во живо дали е точно дека повторно е во врска со Крис.

„Не. Не сме заедно“, беше нејзиниот краток и јасен одговор.

Јавноста тешко дека ќе и поверува, затоа што Браун неодамна „под гас“ зборуваше за својата љубов кон неа, а парот наводно е фотографиран како се бакнува во еден клуб.