Сурогат-мајката го чека второто бебе, ексклузивно објавува британскиот The Sun.

Елтон Џон (65) и неговиот сопруг Дејвид Фурниш (50) пред две години станаа родители на малиот Закари, кое го роди сурогат-мајка од Калифорнија. Истата жена, чиј идентитет славниот пар не планира да го објави, повторно е бремена и ќе им го роди второто дете следната година.

„Елтон и Дејвид се прекрасни родители, и неизмерно се радуваат за проширување на семејството, затоа што не сакаа Закари да биде единец“, рече извор близок на парот.

Џон порано рече дека не сака неговото синче да биде единец, затоа што веќе мора да се носи со теретот на славните родители, но и фактот дека има двајца татковци, наместо татко и мајка.

„Знам дека нема да му биде лесно, и дека децата ќе го закачуваат, но ќе дадеме се од себе да го подготвиме и да го одбраниме“, рече пејачот.