Актерот вели дека со задоволство би се откажал од најпопуларната филмска франшиза на светот, но дека продуцентите не му дозволуваат.

Даниел Крег веќе сними три многу успешни филмови за Џејмс Бонд, важи за еден од најдобрите актери во таа улога, но тој вели дека од почетокот сакал да ја напушти приказната за агентот 007.

„Штом ја добив улогата, сакав да се откажам, но немаше враќање назад. Продуцентите едноставно не сакаат да ми дозволат да ја напуштам приказната за Бонд и се согласив да снимам уште неколку.“

Актерот вели дека секој нареден филм на некој начин е испит за целата филмска екипа. Доколку филмот не помине добро на кино благајните, Крег вели дека „прво ќе страда Бонд“, но тоа сега нема да биде случај затоа што Skyfall ги руши сите рекорди.

Крег е најсериозен кандидат за титулата најдолговечен таен агент - Роџер Мур сними седум филмови за Бонд, а Шон Конери шест. Според пишувањето на филмските списанија, Крег ќе сними уште најмалку три.