На славниот фудбалер му е понудена вртоглава сума пари за да биде домаќин на една емисија која се емитува на американска телевизија...

Дејвид Бекам наводно е во преговори со мрежата "Time Warner" за сопствена телевизиска емисија.

Бекам би водел talk-show чија главна тема би била спорт, а доколку ја прифати понудата ќе добие повеќе од 10 милиони долари.

"Управата го сака Бекам, без оглед дали тој ќе продолжи да игра за Галакси во Лос Анџелес или не. Подготвени се во Њујорк да му го понудат најлуксузното сместување за него и семејството, доколку поради ТВ ангажманите остане во Америка", изјавил извор од "Time Warner".

Шест членото семејство на Бекам наводно веќе размислува за преселување во "Големото јаболко", бидејќи и на Викторија ќе и се пружат нови можности за развој на модната кариера.