Иако е среќно оженет со актерката Ајда Филд, британското „лошо момче“ Роби Вилијамс призна дека не би му сметала мала афера со прекрасната Мила Кунис.

Роби и понатаму е голем заводник! Во неодамнешно интервју за Capital Radio призна дека би сакал да помине барем едно попладне со младата актерка Мила Кунис.

„Не знам дали Мила знае за хотелот Traveloge на државниот пат M6, но мислам дека тоа би било извонредно место за попладне исполнето со страст. Престојот во хотелот го наплаќаат само 30 фунти, што е сосема разумна цена. Мила, ако си за, се гледаме таму“, духовито изјави Вилијамс.

Но, на крајот призна дека сопругата Ајда, со која ја има ќерќичката Роуз која има само еден месец, премногу ја сака и ја почитува за некогаш да ја изневери со друга жена.