Пејачот и член на бендот Gnarls Barkley е под истрага за секусален напад.

Томас Каловеј (38), попознат како Си Ло Грин, е под истрага откако непозната жена го пријавила дека ја силувал под се уште неразјаснети околности.

Полицијата во Лос Анџелес го испитала пејачот, наводната жртва, менаџерот и сите вработени во еден ресторан. Медиумите пренесуваат дека нападот наводно се одиграл во ресторан, но не е познато ниту кога, ниту како.

Пејачот го порекнува обвинувањето, и тврди дека жената која го обвинила „не ја видел никогаш во животот“.

Каловеј веќе имаше неколку проблеми со законот. Пред 11 години уапсен затоа што во тек на расправија со тогашната сопруга Кристина го демолираше нејзиниот автомобил и стан, а потоа ја удрил и неа. Плати кауција и не се појави на суд, поради што повторно беше уапсен и помина два дена во затвор пред да биде осуден на година дена условна казна.