Популарниот „Едвард Кален“ стана заштитно лице на новата рекламна кампања на парфемот Dior.

Роберт Патинсон потпиша договор со Dior за рекламирање на новиот парфем, и наводно за тоа ќе добие 12 милиони долари, пишува британскиот печат.

Во план е Роберт да сними промотивни фотографии за печатени реклами, како и краток филм за телевизиската и интернет кампања.

Роберт така тргна по стапалата на Бред Пит, но и својата девојка Кристен Стјуарт, која исто така рекламира парфем.

Пред него, Dior го рекламираа Џуд Ло, Шарлиз Терон, Натали Портман и други познати лица.

Парот неодамна се помири по краткиот бурен период до кој дојде затоа што Кристен го изневери Роберт со режисерот Руперт Сандерс.