На снимањето на најновото продолжение на Mad Max: Fury Road британскиот актер Том Харди ја излудува својата колешка Шарлиз Терон со своите чудни актерски методи.
За да биде целосно концентриран и веродостоен, Том одлучил на сетот непрекинато да се однесува како ликот кој го глуми.
Неговата преубава колешка во филмот, Шарлиз Терон, смета дека тоа е многу непристојно и дека Том се однесува како чудак. Том наводно постојано зборува сам со себе, а иако Шарлиз се обидела да разговара со него за време на паузата, нејзините напори не вродиле со плод.
Иако Том на сетот на продолжението на легендарниот филм Mad Max од 70-тите речиси постојано е изолиран, се чини дека на него тоа му одговара. Сцените меѓу него и убавата Оскаровка од Јужна Африка наводно се фантастични, а со коментарите од страна на Шарлиз и остатокот од екипата не се замара.
Како нетрпеливоста меѓу двајцата актери ќе се одрази на филмот, ќе мора да видиме следната година кога Mad Max: Fury Road ќе пристигне во кино салите.
