Гитаристот на Rolling Stones ја запроси 31 година помладата девојка Сали Хамфрис.

„Да, точно е, се веривме. Венчавката ќе биде многу едноставна и далеку од очите на јавноста, но датумот уште не е одреден“, изјави Сали.

Американските медиуми пишуваат дека парот ќе се венча на пролет. На Рони овој ќе му биде трет, а на Сали прв брак.

Рони Вуд (65) и Сали (34) се зближија заедно работејќи на неговото шоу Ronnie Wood - I Feel Like Playing во октомври минатата година, а во врска се од февруари оваа година.

А до венчавката светот ќе ги дознае сочните детали од бракот на Рони со втората сопруга Џо Вуд, која до крајот на годината ќе објави мемоари.