Семејството на покојната Ејми Вајнхаус останаа без вредниот спомен од својата сакана ќерка, сестра, тетка...

Дрските провалници упаднале во нејзината поранешна куќа во северен Лондон и ја украле нејзината облека чија вкупна вредност е проценета на околу 200 илјади евра. Меѓу украдените работи од ормарот на покојната пејачка била и венченицата која Ејми ја носеше во 2006 година на венчавката со Blake Fielder Civil.

"Тоа може да го направи само болна личност. Мислам, никој нормален не би ја крадел облеката на покојница занејќи дека тие предмети имаат сентиментална вредност. Очајни сме", рекол 60-годишниот Мич Вајнхаус, татко на пејачката.

Облеката требало да ја продадат на аукција а парите да ги наменат за фондацијата на Ејми за помош на младите зависници од дрога и алкохол.

"Таа куќа ја продадовме, а овие денови требаше и да ја испразниме. Крадците сигурно знаеле за тоа па побрзале и преку еден мал прозор изнеле се. Сеуште не сме утврдиле дали тоа е се што е украдено. Тоа ќе и го препуштиме на полицијата", додал таткото на покојната пејачка.