Актерот е уапсен откако ја нападнал својата девојка на аеродромот.

Фурлонг (35) веќе некое време се бори со болестите на зависност, а сега е уапсен и поради напад. Тој со својата девојка, чие име не е соопштено, бил на аеродромот во Лос Анџелес, но се скарале, по што тој пред сведоци ја зграпчил за рамениците и ја потресол неколку пати.

Полицијата на аеродромот веднаш го уапсила актерот, и одредена му е кауција од 50.000 долари.

Фурлонг пред неколку години стигна на насловните страници откако на својата поранешна сопруга, со која има син, и се закануваше со смрт. Актерот, познат како детето од „Терминатор 2“ и младиот скинхед од „Американска историја Х“, призна дека се бори со зависноста од алкохол и дрога и дека често размислува за самоубиство.