Актерот е уапсен затоа што му свртел шлаканица на бездомник кој неговата сопруга ја нарекол со погрдно име.

Џин Хекман и неговата сопруга Бетси биле во Санта Фе, кога им пришол агресивен бездомник и наводно почнал да ја навредува Бетси.

Револтиран, Хекман (82) му свртел шлаканица на бездомникот, кој потоа инцидентот го пријавил на полицијата. Двајцата се приведени на испрашување.

„Актерот им раскажа на полицајците дека се плашел за својата и за безбедноста на својата сопруга, и дека делувал во самоодбрана. Против него најверојатно нема да се крене обвинение“, кажа полицајката Андреа Добинс.

Хекман е номиниран за пет Оскари, и има освоено два, за улогите во филмовите French Connection (1971) и Unforgiven (1993).