Иако уште од почетокот на прикажувањето на серијата „Досие Х“ таблоидите пишуваат дека меѓу Молдер и Скали се случува нешто „чудно“, тие се демантираат, но малку се оние кои им веруваат.

Актерката Џилијан Андерсон пред околу два месеци ја раскина својата шестгодишна врска, наводно, поради Дејвид Духовни. Меѓутоа, „Скали“ конечно прозборе и тврди дека меѓу неа и „Молдер“ нема ништо.

Таа вели дека едно време уживала во трачевите за врската на „Молдер и Скали“, но кога Дејвид почнал се да демантира во медиумите, сфатила дека и таа мора нешто да каже.

„Медиумите пишуваа сешто, но вистината е сосема поинаква“, рече Џилијан.

Дејвид неодамна ја најави можноста за снимање на уште еден филм „Досие Х“, но за тоа се уште нема официјални информации.