Несолена шега на Twitter предизвика лавина реакции. Пејачот демантираше дека е болен, обожавателките ги бричеа главите во знак на поддршка.

Џастин Бибер често е на мета на интернет „тролови“, кои секои неколку дена објавуаат некоја злонамерна вест за него на социјалните мрежи, и чекаат наивните личности да поверуваат.

Во петок е објавена измонтирана фотографија на која наводно „официјалниот“ Twitter на списанието Entertainment Weekly објавил дека младиот канадски пејач боледува од рак.

„Троловите“ кои сликата ја ставиле на сајтот 4Chan и фатиле да ја шират по интернет го додале и натписот дека секој кој сака да му пружи поддршка на Бибер би требало да ја избричи главата.

Веста е демантирана по само неколку часа, Бибер е здрав, но тоа не ги спречи десетина негови обожавателки да ги избричат главите, и сликите да ги стават на Facebook и Twitter со натпис „Ќелави за Бибер“ (#BaldForBieber).

Можеби е бизарно, но ова не е прв пат луѓето да ја бричат главата поради Бибер. Пред две години, една радио станица организира натпревар во кој жените се пријавувале да ги избричат главите за на своите ќерки да им обезбедат карти за неговиот концерт.