Повторно пијан седнал зад воланот.

Калифорнијската полиција во среда, втор пат оваа година, го привела Боби Браун (43) поради возење во алкохолизирана состојба.

Полицаецот кој го запрел Браун вели дека откако пејачот го отворил прозорецот од својот автомобил, од истиот „силно заудирал мирис на алкохол“, па Боби морал да „дува“. Колку „надувал“, полицијата не соопшти, но пејачот после неколку часа (трезен) е пуштен дома.

Пејачот во март оваа година е уапсен поради возење под дејство на алкохол, а речиси цело лето го помина на одвикнување за кое, очигледно, само фрлал пари.

Боби наскоро би можел на неодредено време да остане без возачка дозвола, а неговите адвокати прават се за случајот да не стигне на суд.