Актерот приредил вечера изненадување за пожарникарите кои го изгасиле пожарот во неговиот стан.

Станот на Роберт Де Ниро во Њујорк, во близина на Централ Парк, горел во јуни откако машината за сушење алишта се запалила. Пожарникарите од 23-та станица брзо реагирале, и го изгасиле пожарот пред оганот да успее да го зафати остатокот од зградата.

Де Ниро и неговата сопруга Грејс Хајтауер овие денови ја посетиле 23-та страница, се дружеле со пожарникарите, се фотографирале со нив и си муабетиле, а им приредиле и вечера изненадување.

„Роберт за сите пожарникари порача храна од својот ресторан, организира келнери, маси и богато мени“, рече извор близок на актерот.

Де Ниро и неговата сопруга во станицата поминале два часа, а потоа продолжиле да ги посетуваат околните стамбени згради, затоа што моментално бараат стан. Реновирањето на нивниот изгорен стан би можело да потрае повеќе од година дена.