Многу од нас летниот распуст го поминуваат работејќи различни дополнителни работи. Чување деца, бркање момци или продавање на сладолед се само едни од нив.

Но, за ќерката на Мадона, Лудрес Леон, летната работа изгледа многу погламурозно.

Малата Лудрес работела во градеробата на својата мајка за време на летната MDNA турнеја.

„Сите мои пријатели работат преку летото, па и јас посакав да работам нешто“, напиша на својот блог ќерката на Мадона. „Стекнав многу искуство, но исто така и добро се забавував“.

Во текстот опишала што биле нејзините обврски.

„Ја средував валканата облека и фотографирав што се случуваше зад сцеата. Моја најголема одговорност беше со уште неколку девојки да им помогнам на танчерите да се пресоблечат. За тоа имавме околу 30 секунди, а тие умеат да бидат многу нервозни. Да го правиш секоја вечер истото е лудо, но ми се допаѓаше“, пишува Лудрес.

Девојчето напиша дека го прошетало цел свет и навела дека Амстердам, Копенхаген и Турција се нејзини омилени дестинации и дека и се допаднало тоа чувство на заедништво, затоа што сите се како едно големо семејство.

„Бев дел од една голема продукција и ова ми беше најдобриот распуст досега“, забележува Лудрес.