На Кристина Агилера и се понудени три милиони долари за да рекламира сајт за запознавање на елегантно пополнети луѓе.

Кристина Агилера својата кариера ја започна како слабичка тинејџерка, но последните неколку години ја гледаме со неколку килограми повеќе.

Пејачката им рече на критичарите дека добро се чувствува во своето тело, дека тоа е најважно и дека не и е гајле што мислат за неа, а комплимент стигна и од манекенката Витни Томпсон.

Томпсон, првата пополна победничка на шоуто „Следниот Американски топ модел“, и понуди на Кристина да биде заштитно лице на сајтот на кој полнички луѓе склопуваат познанства.

На Агилера за оваа реклама ќе и бидат исплатени три милиони долари. Пејачката уште нема откриено дали ќе ја прифати понудата или не.