Полицајците ги раздвојувале актерката и нејзиниот татко, кој дошол да направи „интервенција“ поради нејзиното наводно враќање на опиумите.

Линдзи Лохан (26) пред неколку дена се степа со мајка си поради пари, а во новиот скандал главен актер бил нејзиниот татко Мајкл. Родителите на актерката се разведени, а таткото своевремено беше во затвор поради измама, проневера и насилство во семејството.

Мајкл Лохан, кој сака да се појавува во таблоидите и да зборува за својата позната ќерка, повел неколку пријатели и се обидел да влезе во куќата на Линдзи за да направи „интервенција“, постапка при која семејството или пријателите го „фаќаат“ зависникот во куќата и го натеруваат да оди на лечење и често се користи кај болестите на зависност.

Лохан, која тврди дека веќе долго време е трезна, повикала полиција и полицајците веднаш дошле и го исфрлиле нејзниот татко и неговите пријатели. Против нив ќе биде поднесена пријава за упад на туѓ имот.