Сите се сеќаваме на морничавите слики од пејачката која, со празен поглед, си ја избрича сама главата, а сега дознаваме зошто го сторила тоа.

Поп принцезата Бритни Спирс во 2007 година доживеа нервен слом и заврши во болница на психијатарско набљудување откако папараците ја овековечија како сама си ја бриче главата. Бритни влезе во еден фризерски салон, очигледно под дејство на опиуми, и според зборовите на очевидци, зела машинка и си ја избричала главата.

Тогаш семејството на пејачката соопшти дека Бритни сакала да и покаже поддршка на својата тетка која поради борбата со ракот ја загубила косата, но вистината е нешто сосема друго.

Бритни била на дроги кои предизвикале нервен слом, а главата ја избричала за со лабораториски анализи на влакната да не утврдат дека во системот има наркотици. Понекогаш, освен крвта и урината, се анализираат и влакната за да се утврди дали личноста зема дрога.

Оваа информација ја открил нејзиниот поранешен менаџер Сем Луфти, кој моментално се суди со родителите на Бритни поради клевета и навредување на честа. Тој вели дека пејачката земала амфетамини и други пилули, како и „кристален мет“.

Родителите на Бритни, Џејми и Лин ги отфрлаат обвинувањата, а Спирс соопшти дека нема да сведочи во случајот.

Инцидентот со бричење на главата доведе до пад на пејачката. Недолго после тоа, заврши во болница и на рехабилитација, одземено и е старателството над децата и татко и Џејми е овластен да управува со нејзините пари.