Прв пат после бурното раскинување, Роберт Патинсон и Кристен Стјуарт се фотографирани заедно.

Американските медиуми со денови пишуваат за смирувањето на двајцата актери, но дека во тоа има вистина потврдија и папарацо фотографиите, направени за време на викендот и почетокот на оваа недела.

Кристен Стјуарт на Роберт Патинсон го изневери со оженетиот режисер Руперт Сандерс и се покаја поради сето тоа. Роберт не се огласи официјално, но судејќи според фотографиите се и простил.

Тие двајцата прво за време на поминатиот викенд заедно биле на излегување по клубови во Лос Анџелес, а потоа повторно се уловени во попладневно кафе со пријателите.

Дали за нивното смирување се заслужни продуцентите на последното продолжение на „Самрак сагата“, чија премиера е закажана за следниот месец, или пак љубовта сама победила, останува на публиката да одлучи.