Актерката раскинала со агентот Нејт Нејлор, и тоа поради изневрување.

Скарлет Јохансон (27) и Нејт (38) беа во врска од јануари оваа година, но одненадеж раскинаа, пишува холивудскиот печат.

Причина за раскинувањето биле „сомнителните“ фотки од еден политички собир, на кој убавата „Црна вдовица“ е фотографирана како се држи за раце со бившиот дечко Џаред Лит.

Иако портпарол службата на актерката веднаш соопшти дека Скарлет и Џаред се само пријатели, на Нејлор тоа не му било доволно, па ги спакувал работите и се иселил од заедничкиот стан во Њујорк.

Пред него, Скарлет беше во врска со Шон Пен кој е двојно постар од неа, а пред тоа се разведе од актерот Рајан Рејнолдс.