Актерката Ема Ватсон доживеала шок од прогонувач на снимањето на новиот филм.

Ватсон, позната како паметната Хермиона од филмовите за Хари Потер, моментално е во Ојстер Беј во државата Лонг Ајленд, каде што го снима новиот филм „Ноа“.

За време на снимањето во блиската шума, по Хермиона тргнал непознат маж, и се обидел да и даде порака. Актерката почнала да бега, а обезбедувањето на сетот го совладало човекот.

Ватсон (22) на полицијата и кажала дека непознатиот маж го препознала затоа што и порано се појавувал пред нејзината куќа и „случајно“ доаѓал на места каде што знаел дека ќе биде и таа, обидувајќи се да стапи во контакт со неа.

Мажот е уапсен, а на Ватсон и е даден слободен ден од снимањето за да се опорави од шокот.

Ова не е прв пат Ватсон да биде прогонувана. Своевремено доби полициска заштита поради двајца прогонувачи кои се обидувале да влезат во нејзината куќа и доаѓале пред факултетот Браун, каде што студирала.