Англискиот репрезентативец и неговата сопруга го очекуваат своето второ дете.

Колин Руни (26) напишала на својот Твитер дека нивното семејство наскоро ќе добие четврт член.

„Вејн, Кај и јас сме пресреќни што ќе добиеме уште еден член на семејството“, напишала сопругата на фудбалерот на Манчестер Јунајтед.

Новото бебе ќе пристигне во мај, а парот уште не го знае полот на бебето.

Вејн и Колин се во врска уште од средношколските денови, а се венчаа во 2008 година. Пред три години го добија синот Кај, а среќната вест во јавноста беше засенета од фактот што Вејн призна дека ја изневерувал сопругата со проститутки додека истата била бремена.