Една од најголемите NBA ѕвезди, кошаркарот шампион на Мајами Хит, Двејн Вејд, во вторник потпишал договор со кинескиот произведувач на спортска опрема Li Ning.

Тој рекол дека тоа ќе му биде последен договор од таков тип во професионалната кариера, но не ги открил финансиските детали. Според одредбите на договорот, Вејд од кинескиот произведувач ќе добие цела производна линија со своето име, а познатиот кошаркар ќе има значајна улога во дизајнирањето на сопствен опрема.

Вејд за време на првите шест сезони во NBA лигата ја носел опремата на марката Converse, а последните три години беше „манекен“ за брендот Jordan на познатиот кошаркар Мајкл Џордан и исто така на познатиот Nike. Кога во 2009 година „преминал“ од Converse во Jordan/Nike, Вејд годишно заработувал десет милиони долари по условите на договорот.

Колку му го платиле „трансферот“ Кинезите, може само да се нагаѓа...

Се очекува Вејд во опремата на Li Ning да дебитира во четврток, кога Мајани во Пекинг ќе одигра пријателска утакмица со Лос Анџелес Клиперс.

Компанијата Li Ning пред 22 години ја основал истоимениот кинески гимнастичар кој на Олимписките игри во Лос Анџелес во 1984 освоил шест медали.