Манекенката која го воодушеви светот со своите облини се нуди за главна женска улога во некој нареден филм за Џејмс Бонд.

Убавата Кејт Аптон веќе оствари завидна кариера во светот на модата, а сега би сакала посериозно да му се посвети на глумењето. Кејт (20) дебитираше во филмот Three Stooges порано оваа година, имаше и мала улога во трилерот Tower Heist, но сега сака улога за која сонуваат многу холивудски дами.

„Мислам дека би било навистина кул да ме земат за девојка на Бонд. Тоа е многу престижна титула во светот на глумата, а сигурна сум дека, гледано од страна, имам се што е потребно за истата“, рече Аптон.

„Признавам, би ми требало многу тренинг. Не само за глумата, туку и за акционите сцени, затоа што девојките на Бонд се прилично жестоки“, рече таа.

Аптон додаде дека нејзина омилена „007 дама“ е Хали Бери, која играше во остварувањето Die Another Day.