Џо Џексон направил сцена во хотелот во Лас Вегас и за малку ќе го уапселе.

Џо (84) бил со пријатели во барот во хотелот Palms во „градот на гревот“, кога го забележал еден од другите гости и се обидел да го фотографира.

Таткото на покојниот крал на попот се разбеснил, скокнал на него и почнал да удира, барајќи да ги избрише сликите. Дотрчало обезбедувањето и ги раздвоило, а набргу стигнала и полицијата.

Нападнатиот гост рекол дека нема да поднесе тужба против стариот Џексон, само од почитување кон неговите години.

Таткото на Мајкл Џексон веќе со години прави помали или поголеми скандали. Покојниот крал на попот раскажуваше колку бил истрауматизиран поради честото добивање на ќотек од него и фактот дека ја изневерувал мајка му со кого стигнел.

Таткото на Џексон беше на мета на критиката и поради однесувањето во јавноста по смртта на Мајкл, кога се дозна дека син му го исклучил од својот тестамент.