Актерот е првиот маж кој ќе го рекламира фамозниот Chanel 5.

Бред Пит (47) е првиот маж кој ќе биде заштитно лице на женскиот парфем Chanel 5, а за таа „работа“ ќе добие седум милиони долари, пишуваат американските медиуми.

Меѓу славните дами кои го рекламирале овој познат парфем се Никол Кидман, Ванеса Паради, Одри Тоту и други.

„За легендата на Chanel 5 да биде уште нова и интересна, одлучивме да ја промениме перспективата на рекламата. Парфемот е симбол на заведување меѓу маж и жена, и логично е да ја претставиме и машката страна на тој чин“, рече претседателката на секторот во Chanel за парфеми и шминки, Андреа Давак.

Пит ќе ја сними рекламната кампања и промотивниот спот, а се очекува и двете да се појават кон крајот на октомври.