За период од десет години Камерон Дијаз се забавуваше со Мет Дилан, Џастин Тимберлејк, Алекс Родригез и Џаред Лето.

Но, брак? Бракот никогаш не бил за неа, барем така рече убавата актерка за британското издание на списанието Esquire.

„Изгледа не ми е пишано да бидам во брак. Не сакав да се омажам ниту на 20, ниту на 30 години“, рече Дијаз.

Сега кога влезе во четвртата деценија од животот, поинаку размислува за бракот и заедничкиот живот.

„Ќе видиме уште, за сега сум сама. Сакам некој покрај себе кој се грижи за себе и некој кој е во ред со тоа да нема деца, затоа што моментално не ги сакам. Мислам дека не сум стара да ги имам, чувствувам дека можам“, вели Камерон.

Таа раскажа дека за прв пат во животот е задоволна и исполнета и дека тоа што старее е најдобриот дел од нејзиниот живот.

„Сега се познавам себеси подобро и повеќе од било кога, имам чувство дека можам се, можам повеќе отколку кога имав 25 години“, рече Дијаз.