Ги видовме разголените фотографии на неговиот брат Хари, потоа на неговата сопруга Кејт Миделтон, а уредниците на неколку таблоиди тврдат дека наскоро треба да се појават фотографите и од голиот Вилијам.

Покрај разголените фотографии на британскиот престолонаследник, таблоидите наводно поседуваат и видео кое е снимено за време на одморот на Кејт и Вилијам во Франција.

Според пишувањето на британските таблоиди, до сега од околу 300 фотографии се објавени само 24, па „кралските адвокати“ повторно се на нозе, само не знаат повеќе против кого да се борат, затоа што за овие фотографии се заинтересирани сите светски таблоиди, но и порно сајтови...

Британскиот весник Telegraph пишува дека папараците користеле дури и „летечки камери“ за да ги снимаат Кејт и Вилијам како уживаат покрај базен, додека мислеле дека никој не ги гледа. Наводно и некои од досега објавените фотографии се земени од клип кој би требало да се појави заедно со голите слики од Вилијам.

Истиот весник пишува дека порнографските сајтови добро заработуваат на разголените фотографии на Кејт Миделтон кои за помалку од месец дена стигнаа на третото место по бараност на сајтовите за возрасни.