Холивудската ѕвезда Салма Хаек сподели дека се потпира единствено на сопствена линија козметички производи за својот млад изглед...

46-годишната актерка, која има петгодишна ќерка Валентина од нејзиниот сопруг Франсоа-Анри Пино, верува дека тајната на убавината на нејзината кожа се крие во палетата производи "Nuance".

"Една од состојките во овие производи се користи кај пациенти со сериозни изгореници во болниците во Мексико и функционира. Јас сум на 46 години и немам многу брчки ", се пофали Хаек.

Салма порано сподели дека нема никакви пластични операции на себе, но не ја исклучува можноста некогаш да си направи ако е потребно. Кога беше прашана дали го искористила магичниот ефект на ботоксот, ѕвездата одговорила: "Не. Барем се уште не."

Актерката, исто така, призна дека ги следи модните совети на нејзиниот сопруг Франсоа-Анри Пино, кој е извршен директор на PPR, која управува со модни куќи, вклучувајќи ги Гучи и Ив Сен Лорен.

"Јас не давам модни совети на сопругот. Тој ми дава на мене. Франсоа има добро око за естетика, архитектура, уметност - едноставно има прекрасен вкус ", додаде убавата Салма.