Наредниот месец во знак на сеќавање на починатата пејачка ќе биде објавен бокс-сет во кој ќе се најдат и снимките од настапот на славната пејачка кои никогаш не се објавени...

„Amy Winehouse at the BBC“ ќе содржи еден музички диск и три DVD изданија на кои ќе се најдат досега необјавени снимки од BBC од концерт на Ејми Вајнхаус, нејзиниот прв настап пред телевизиски камери, ретки интервјуа и документарецот „Amy Winehouse - The Day She Came To Dingle“. Најавното видео можете да го погледнете овде.

Покрај тоа, на музичкиот диск ќе се најдат нејзните први интервјуа за BBC Radio, снимки во живо со песни од деби албумот Frank, како и нејзиното второ и последно студиско издание Back To Black.

„Нејзиниот живот беше краток, но влијанието кое го остави на сите нас кои ја познававме и на музиката е безвремено. Ејми, секогаш ќе те сакаме“, изјави раперот Нас со кого пејачката соработуваше непосредно пред смртта, а на постхумниот албум Lioness: Hidden Treasures се најдоа и неколку нивни заеднички песни.

Целиот приход од продавањето на бокс-сетот ќе оди во хуманитарни цели.