Лана Дел Реј откри дека страдала од алкохолна зависност, кога била помлада...

Состојбата на пејачката, која доби исклучителна популарност со албум "Born To Die", ги принудила нејзините родители да ја испратат во интернат за да се лекува.

Ова признание ѕвездата го направи во интервју за магазинот GQ, а целата историја беше дополнета од скандалот предизвикан од фактот дека таа се појави гола на насловната на списанието.

Лана признала дека нејзината мајка и татко ја пратиле на училиште во Кент, строг училишен интернат во Конектикат, кога имала само 14-години.

"Пиев многу во тоа време. Пиев секој ден. Пиев сама. Голем дел од она што го напишав во" Born To Die "е за годините во кои сум лудувала", објаснила пејачката . "Моите родители беа загрижени исто како и јас. Знаев дека имам проблем, но ми се допаѓаше повеќе отколку идеата да правам што и да било друго".

Според неа, на почетокот таа мислела дека така ја покажува "темната страна" и била многу возбудена, но подоцна сфатила дека нејзината зависност преовладува над се останато.

Дел Реј го дефинира овој период како сосема различен од се друго и како "најлошото нешто", што и се случило.