Британскиот пејач Роби Вилијамс и се обратил на Викторија Бекам за совет пред раѓањето на неговото прво дете...

Пејачот и неговата сопруга Ајда Филд се сместиле во ВИП собата во лондонската болница Портланд по препорака на Викторија. "Роби е толку возбуден што ќе стане татко и сака се да е совршено. Тој се надева дека прави се што е во негова моќ за да се минимизира стресот и грешките при раѓањето. Личниот гинеколог на Викторија, Малком Жилард веќе се пензионира, но неговиот наследник и целиот негов тим ќе им помагаат на Роб и Ајда."

"Тие се сместија во собата за раѓање и се навистина среќни откако се запознаа со целиот персонал ", открил близок извор за британскиот весник Daily Star.

Иако Роби се пресели во САД во 2004 година, тој неодамна среди неговата сопруга да пристигне со приватен авион во Велика Британија, за да може ќерка им да се роди во Лондон.
"Роби секогаш планирал бебето да се роди во Велика Британија, тоа е навистина важно за него. Тој се пресели во САД, за да ужива во начинот на живот, анонимноста и климата, но неговото срце сеуште припаѓа на Велика Британија", неодамна откри близок извор на пејачот.