Опра Винфри четврта година по ред ја предводи листата на списанието "Форбeс" за најдобра високоплатена познатa личност...
Во периодот од мај 2011 до мај 2012 година Опра заработила 165 милиони долари, објави списанието на страница на интернет.
Опра Винфри стана позната во 1986 година со емитувањето на "Шоуто на Опра", каде што таа воедно беше и водителка. Во мај минатата година таа го прекина шоуто и се посвети на развојот на ТВ каналот "Oprah Winfrey Network". Винфри почна да издава и списание "Oprah Magazine" и создаде сопствена радио станица "Oprah Radio".
На второ место остана режисерот и продуцент Мајкл Беј ("Армагедон", серијата "Трансформерс"), кој во истиот период заработил 160 милиони долари. На трето место се наоѓа Стивен Спилберг со 130 милиони долари.
Во топ 10 на најбогатите познати личности вклучени во рангирањето на "Форбес", спаѓаат уште режисерот и сценарист Џорџ Лукас, продуцентот на шоуто X Factor Сајмон Коувел, британскиот пејач Елтон Џон, актерот Том Круз, медиумскиот магнат Доналд Трамп, пејачката Бритни Спирс и голф играчот Тајгер Вудс.
