Џенифер Анистон користела двојничка, која е на половина од нејзината возраст, за сцените со помалку облека во најновиот филм...

43-годишната актерка одбила да се соблече во долна облека за комедијата "Ние сме семејство Милерс", во кој глуми со Ед Хелмс, Ема Робертс и Џејсон Судејкис. Tаа одлучила да користи двојничка која се соблекува наместо неа на снимањето на филмот во Северна Каролина.

Таа се појавува во една сцена од филмот во која хероината Анистон бега од зграда во долна облека, стискајќи ги алиштата кои претходно ги носела самата актерка.
Иако Џенифер не се појавува во сцените со малку облека, во други делови од филмот таа е снимена со раскопчена кошула која го открива нејзиното деколте.

Во своите претходни филмови Џенифер не покажувала противење да се соблекува по долна облека. Таа се согласи да сними сцени со провокативна облека за комедијата "Шефовите гадинари", а се снимаше и гола во романтичната комедија "Страст кон патувања".
Актерката сепак неодамна откри дека чувствува нервоза пред снимањето на голите сцени. "Малку сум нервозна, но адреналинот ми помага да се справам. Потоа доаѓаат едни девојки и ме покриваат веднаш", изјави неодамна ѕвездата.