Лејди Гага планира да се сретне со британскиот премиер Дејвид Камерон, да разговараат за нејзините добротворни планови...
Ѕвездата ja создаде фондацијата "Born This Way" порано оваа година, која има за цел да ја подигне довербата на младите и да го запре малтретирањето. Таа веќе доби поддршка од американскиот претседател Барак Обама.
Сега Гага се надева дека ќе ја пренесе хуманитарната дејност и во Велика Британија и сака средба со премиерот, кога ќе пристигне во Лондон следниот месец, пишуваат британските медиуми.
"Фондацијата на Лејди Гага работи со Универзитетот Харвард и со Владата на Обама. Таа се надева дека ќе разговара за нејзините цели со премиерот", раскажал изворот. "Ако Лејди Гага се поврзе со нас, ќе одговориме", изјавил портпаролот на Камерон.
